எங்களைப் பற்றி | விளம்பரம் செய்ய #உறுதிப்படுத்தப்பட்ட உங்கள் பிரதேச செய்திகளை லங்காமுரசு இணையத்தில் பிரசுரிக்க Murasulanka@gmail.com என்ன மின்னஞ்சலுக்கு அனுப்பி வைக்கவும்.
Headlines
  • virakesari.tv
  • Facebook
  • YouTube
  • RSS feed
  • Follow us on Twitter
ADD ADD ADD ADD
1 | 2 | 3 | 4 | 5 | 6 | Next »
மேலும் »
மேலும் »
மேலும் »
மேலும் »
மேலும் »
மேலும் »
மேலும் »

நீர்கொழும்பில் தற்கொலை தாக்குதலுக்கு தயாராக இருந்த 11 தற்கொலைதாரிகள்..?

Posted by Yashika | Saturday, July 13, 2019 | Posted in ,

தேசிய தவ்ஹித் ஜமாத் அமைப்பின் ஆயுதப் பிரிவு பொறுப்பாளரான அஹமத் மிலான் என்பவரின் வழிநடத்தலின் கீழ் மீண்டும் தற்கொலை தாக்குதல் நடத்த திட்டமிடப்பட்டதாக தகவல் வெளியாகி உள்ளது.

பல இடங்களில் தாக்குதல் மேற்கொள்வதற்கு 11 தற்கொலைதாரிகள் தயார் நிலையில் இருந்ததாக பயங்கரவாத விசாரணை பிரிவு விசாரணைகளில் தெரியவந்துள்ளது.

இந்த தாக்குதலுக்காக கல்முனை சியாம் மற்றும் மொஹமட் நிஸான் என்பவர்கள் உதவியுள்ள நிலையில் அவர்கள் கிழக்கு மாகாணத்தில் 5 வீடுகளை வாடகைக்கு பெற்றுக்கொண்டுள்ளனர்.


இதுவரை மேற்கொள்ளப்பட்ட விசாரணைகளுக்கமைய நீர்கொழும்பில் வீடு ஒன்றில் இருந்து லொரி ஒன்று வெடிபொருட்களை ஏற்றிக்கொண்டு சம்மாந்துறைக்கு சென்றுள்ளதாக சம்பந்தப்பட்ட சாரதி ஒருவர் தெரிவித்துள்ளார்.

பெருந்தொகை இரசாயன திரவங்கள் அடங்கிய பெரல்கள் லொரியில் ஏற்றப்பட்டதாக சாரதி தெரிவித்துள்ளார்.

எனினும் குறித்த பயங்கரவாத செயற்பாட்டுடன் தொடர்புடைய அனைத்து தேசிய தவ்ஹித் ஜமாத் பயங்கரவாதிகளும் கைது செய்யப்பட்டுள்ளதாக பொலிஸார் தெரிவித்துள்ளனர்.

யாழில் இராணுவத்தின் பலத்த பாதுகாப்புடன் புதிய பௌத்த விகாரை..!!

Posted by Yashika | | Posted in ,

இராணுவம் உட்பட முப்படைகளின் பலத்த பாதுகாப்பின் மத்தியில் யாழ்ப்பாணம் நாவற்குழி புகையிரத நிலையத்திற்கு அருகாமையில், சிங்களக் குடியேற்றத்திற்கு அருகில் அமைக்கப்பட்ட குறித்த விகாரை இன்று சிங்கள மக்களின் சாது என்ற நாமத்துடன் சம்புத்தி சுமண விகாரை திறந்துவைக்கப்பட்டது.

குருநாகல் நெவகட செல்கிரி விகாரையில் இருந்து விகாரைக்கான புனித தாது நேற்று மாலை எடுத்து வரப்பட்டது.

நாவற்குழி சந்தியில் இருந்து, விகாரைக்கான புனித தாது மற்றும் பௌத்த மத அனுஸ்டான முறைப்படி, தீப்பந்தம், பௌத்த கொடி, ஆலவட்டங்களுடன், பிக்குகளின் தலைமையில் புனித தாது, விகாரைக்கு எடுத்துச் செல்லப்பட்டது.

வடமேல் மாகாணம் மற்றும் பல்வேறு மாவட்டங்களில் இருந்து சிங்கள மக்கள் அழைத்து வரப்பட்டு, சாது என்ற நாமம் ஓதப்பட்டு, புதிதாக அமைக்கப்பட்ட விகாரையின் மேல் , புனித தாது வைக்கப்பட்டது.

யாழ்.மாவட்ட கட்டளைத் தளபதி தர்சன ஹெட்டியாராச்சி, முப்படைகளின் தளபதிகள் உட்பட விகாராதிபதிகள் விகாரையின் மேல் புனித தாதுவை வைத்தனர்.

போர் முடிவடைந்த பின்னர் கடந்த ஆட்சிக் காலத்தில் அரசின் உதவியுடன் மேற்கொள்ளப்பட்ட சிங்கள குடியேற்றப் பிரதேசத்தில் இந்த விகாரை அமைக்கப்பட்டுள்ளது.

இதற்கு கடுமையான எதிர்ப்புக்கள் இருந்த நிலையிலும் அந்த விகாரை அமைக்கும் பணிகள் மேற்கொள்ளப்பட்டு முடிவிற்கு கொண்டு வரப்பட்டுள்ளமை குறிப்பிடத்தக்கது.

கிழக்கில் திட்டமிட்டு ஒதுக்கப்பட்டாரா பிள்ளையான் - சில கேள்விகள்..

Posted by Yashika | | Posted in ,

சிலர் சந்தர்ப்ப சூழ்நிலையால் குற்றவாளியாவார்கள், சிலர் ஆக்கப்படுவார்கள், சிலர் ஒருசிலரின் தேவைக்காக பலிக்கடாவாக்கப்படுவார்கள்.அப்படி ஒரு சந்தர்ப்பத்தில் சிக்கிக்கொண்ட ஒரு இளைஞனின் கதை இது ......

அந்த இளைஞன் வேறுயாருமல்ல கிழக்கின் முதலாவதும் இறுதியுமான தமிழ் முதலமைச்சர் #பிள்ளையான் என அறியப்பட்ட திரு சிவனேசதுரை சந்திரகாந்தன் (இது வெள்ளையடிப்பு அல்ல) தெரிந்துகொள்ளப்படவேண்டியவர்களில், சந்திரகாந்தனும் ஒருவர், தமிழ்த்தேசியப்போர் தந்தைசெல்வாவின் காலத்தில் ஆரம்பிக்கப்பட்ட நாள்முதல் அதர்க்காக பலிகொடுக்ப்பட்ட உயிர்கள் ஏராளம், 

தமிழர்களை காப்பாற்றுகிறோம் என்று களமிறங்கிய அத்தனை இயக்கங்களும் தமக்கு உதவமாட்டார்கள் என்பவர்களை தீர்த்துக்கொண்டேயிருந்தார்கள், அவர்கள்,இதில் எந்தவொரு இயக்கமும் சளைத்தவர்கள் அல்ல என்பதே மறுக்குமுடியாத உண்மை , ஆனால் ஒரு சம்பவம் தமிழர் போராட்டத்தை திசைதிருப்பியது ,அதுதான் புலிகளின் பிளவு அந்தப்பிளவு.

ஒரு சாராரால் தமிழர் நலன்சார்ந்த விடயமாக சொல்லப்பட்ட. போதும் தமிழர் போராட்டம் நல்ல விலைக்கு விற்க்ப்பட்டதென்பதே உண்மை... சிங்களம் காப்பாற்றுமென கிளம்பிய டெலோ உட்பட அனைத்து இராணுவக்குழுக்களும் இடைநடுவில் இராணுவத்தாலும் மாறிமாறி வந்த அரசுகளாலும் நட்டாற்றில் கைவிடப்பட்டார்கள் ....

இந்த இடத்தில் அவர்கள் ஒன்றை உணர்ந்திருப்பார்கள், தமிழர் நலன்சார்ந்து சிங்கள பேரினவாதம் ஒருபோதும் சிந்திக்காது தங்களை பகைடைக்காய்களாகவே பயண்படுத்துவார்கள் என்ற கசக்கும் உண்மைதான் அது ... தராகி சிவராம், உட்பட்ட சிலர் தமிழ்த்தேசிய தலைமையில் கொண்டிருந்த அசைக்கமுடியாத நம்பிக்கை தமிழ்த்தேசியக்கூட்டமைப்பின் உருவாக்கத்துக்கு காரணமானது,

எதிரிகளாக நினைத்தவர்களை புலிகள் பலமாக இருந்தபோதே மன்னித்து உறுதிமிக்கதும் நேர்த்தியானதுமான அரசியல் பாதைக்கு வித்திட்டார்கள், தலைமை ஆயுதபலத்தால் தாம் தோற்கடிக்கப்படுவோம் என உணர்ந்திருந்தாரோ தெரியாது ..

ஆம் இந்த மாற்றங்களுக்கிடையில் தடம்புரண்டுபோன பலபேர்.. ஆம், அந்த இளைஞனை பாடசாலைக்காலங்களில் கண்டிருக்கிறேன், மிகவும் வேகமாக வாகனத்தை செலுத்தும் ஒரு துடிப்புள்ள இளைஞன், பலமுறை எங்கள் தோட்டத்துக்கு வந்து தண்ணீர் ஏற்றிச்சென்றதையும், சில நேரங்களில் கிணரு சுத்தம் செய்யவென தண்ணீர் பம்ப் எடுத்துக்கொண்டு போனதையும் பார்த்திருக்கிறேன்,

விடுதலைப்புலிகளின் கரடியனாறு பாண் பேக்ரி சாரதி விடுமுறையென்றால் அதன் சாரதியாக அந்த இளைஞன் வாகனம் ஒடுவதையும், போராளிகள் அந்த இளைஞனைப்பற்றிப்பேசுவதையும். பதுளைவீதியில் அந்தப்பெயருக்கு ஒரு மெளசு இருந்ததையும்...பலர் அறிவார்கள், ஆனால் அப்பா , அம்மா. தம்பி என்கிற, மரியாதையும் பள்ளிக்கூட பிள்ளைகளைக்கண்டால் வாகனத்தில் ஏற்றி இறக்கிவிடுவதும், பலரிடம் இல்லாத குணமாகவே பார்க்கப்பட்டது ,

நல்ல போராளிகளில் அவனும் ஒருவன் என்பதை நேரில் கண்டவர்க ளுக்குத்தெரியும், விடுதலைப்புலிகளின் பிரிவுக்குப்பின்னர் தரவை மாவீரர் துயிலுமில்லத்தை இராணுவம் உடைக்கிறது அதை கருனா தரப்பு கண்டுகொள்ளவில்லையென்றதும் முன்னனிப்போராளிகளில் ஒருவனான அவருக்கும் கோபம் வந்திருக்கிறது ...

இப்படிப்பட்ட எளிமையான வாழ்கைப்போக்கை கொண்ட ஒருவன் கிழக்கை ஆழவருகிறான் என்றதும் படுவான்கரை மக்கள் பெரிதும் சந்தோசப்பட்டார்கள் காரணம் வலியை உணர்ந்தவன் அந்த வலியை பிறருக்கு கொடுக்கமாட்டான் என்பதுதான் அந்த மனநிலைக்கு காரணம், என்னதான் புலிகள் பிளவு கிழக்காரைதனிமைப்ப டுத்தினாலும் , ஆட்சியில் முஸ்லீம்கள் தோற்கடிக்கப்பட்டு முதலமைச்சராக தமிழன் என்றதும் பெரும்பாலும் சந்தோசப்பட்டார்கள்.

ஆனால் அப்போதைய சூழ்நிலையை சந்திரகாந்தன் சரிவரப்பயண்படுத்தியிருந்தால் தமிழ்மக்களின் மனங்களை வென்றிருக்கலாம் .. ஆனால் அவர் சார்ந்திருந்தோர் அதர்க்கான முனைப்புக்காட்டவில்லையென்பதோடு, தமது ஆதிக்கத்தை செலுத்தவே முற்ப்பட்டார்கள், ஆளுமைமிக்க ஒரு இளைஞனை வளிநடத்தியவர்கள் அதர்க்குப்பொருப்பானவர்கள், ஆயுதக்குழுக்களாக இருந்த காலத்தில் தமிழர்களுக்கு எதிராக ஏன் எதர்க்காக அவை திருப்பபட்டது என்பதை அப்போது அவர் உணர்ந்திருக்காவிட்டாலும் இப்போது உணர்ந்திருப்பார்.

திடீர் விசுவாசிகளான சிலரின் விசுவாசம் நேர்மையாக வாழும் உண்மையாக நேசித்த தமிழர்களுக்கு எரிச்சலை ஊட்டுகிறது அதுவே கிழக்கில் அரசியல் ரீதியாக தலைமைகளை ஒன்றிணைக்க தடையாகவும் இருக்கிறது, எது எப்படியோ சிலர் தவறுகளில் இருந்து கற்றுக்கொள்வார்கள், கிழக்கில் பிரிவினைகளை கடந்து தமிழர்களாய் ஒன்றிணைவதாயின் தமிழ்மக்கள் விடுதலைப்புலிகளின் கட்சியும் அதில் பங்கெடுக்க வேண்டும் என்பது இப்போதைய நிர்ப்பந்தம்

அப்படியாயின் அங்கிருக்கும் நச்சு செடிகள் அகற்றப்பட்டு ஜனநாயக நீரோட்டத்தில் புதிய கட்டமைப்புடன் பயணிக்க தயாராகவேண்டும், காலமாற்றத்தில் இணைந்து செயல்படத்தயாரானால் மட்டுமே,சிலதை சாத்தியப்படுத்தலாம் சிலருக்கு இது கசக்கும் ... பட், இதுதான் உண்மை, கட்சி பேதங்களை மறந்து தமிழர்களை காப்பாற்றியே ஆகவேண்டும் ... 

அன்டனி

வாழைப்பழத்துடன் முஸ்லிம்கள் கைது- ஏன் தெரியுமா?

Posted by Yashika | Friday, July 12, 2019 | Posted in ,

திருகோணமலை கிண்ணியாவில் போதைப்பொருள் தடுப்பு பிரிவு போலிசாரால் இரு முஸ்லிம் நபர்கள் கைதுசெய்யப்பட்டுள்ளனர். குறித்த நபர்கள் வாழைப்பழத்தினுள் கஞ்சா பொட்டலங்கள் வைத்து கடத்திய குற்றச்சாட்டில் கைதுசெய்யப்பட்டுள்ளதாக பொலிஸார் தெரிவித்துள்ளனர்.

மிகவும் நூதனமான முறையில் ஒவ்வொரு வாழைப்பழத்திலும் 5gம் படி 150kg வாழைப்பழத்துடன் சந்தேக நபர்கள் கைது செய்யப்பட்டுள்ளார்கள்.

வாழைப்பழத்துடன் முஸ்லிம்கள் கைது- ஏன் தெரியுமா?

கடந்த 07 நாட்களில் 2280 வாகன சாரதிகள் கைது.!

Posted by Yashika | | Posted in ,

கடந்த 05ம் திகதி முதல் மதுபோதையில் வாகனம் செலுத்திய 2280 வாகன சாரதிகள் கைது செய்யப்பட்டுள்ளதாக பொலிஸ் தலைமையகம் தெரிவித்துள்ளது.

மதுபோதையுடன் வாகனம் செலுத்தும் சாரதிகளை கைது செய்வதற்கான விஷேட நடவடிக்கை கடந்த 05ம் திகதி ஆரம்பமாகியது. நேற்று காலை 06.00 மணி முதல் இன்று காலை ஆறு மணி வரையான கடந்த 24 மணிநேர காலத்தில் மதுபோதையில் வாகனம் செலுத்திய 243 சாரதிகள் கைது செய்யப்பட்டுள்ளதாக பொலிஸ் தலைமையகம் தெரிவித்துள்ளது.
அதன்படி மதுபோதையுடன் வாகனம் செலுத்தும் சாரதிகளை கைது செய்யுத் நடவடிக்கை ஆரம்பமான தினத்தில் இருந்து இன்று வரை 2280 வாகன சாரதிகள் கைது செய்யப்பட்டுள்ளதாக என்று பொலிஸ் தலைமையகம் தெரிவித்துள்ளது.

மாணவிகளின் புகைப்படங்களுடன் கூடிய விண்ணப்ப படிவங்கள் வீதியில்.!

Posted by Yashika | Thursday, July 11, 2019 | Posted in ,

வவுனியாவில் உள்ள தனியார் கல்வி நிலையமொன்று தமது நிலையத்தில் கல்வி கற்கும் மாணவிகளின் புகைப்படங்கள் தாங்கிய விண்ணப்ப படிவங்களை வீதியில் எறிந்துள்ளதாக பெற்றோர் விசனம் வெளியிட்டுள்ளனர்.

வவுனியாவில் உள்ள தனியார் கல்வி நிலையமொன்று தமது நிலையத்தில் கல்வி கற்கும் மாணவர் களின் விபரங்களை சேகரிப்பதற்காக விண்ணப்பபடிவங்களை பயன்படுத்தியுள்ளது.

இதில் மாணவிகள் மற்றும் மாணவர்களது புகைப்படங்களும் அவர்கள் தொடர்பான விபரங்கள் மற்றும் தொலைபேசி இலக்கங்களும் பதிவு செய்யப்பட்டுள்ளன.

இந் நிலையில் குறித்த விண்ணப்பபடிவங்கள் நெளுக்குளம் கனரா ஒழுங்கையின் குளப்பகுதியில் வீசப்பட்டுள்ளது.
இன்று காலை குறித்த வீதியால் பயணித்தவர்கள் புகைப்படங்கள் ஒட்டப்பட்ட விண்ணப்பபடிவங்கள் தெருவில் காணப்படுவதை அடுத்து ,ஆராய்ந்தபோதே தனியார் கல்வி நிலையத்தின் அசமந்தப்போக்கு தொடர்பில் தெரியவந்துள்ளது.

இது தொடர்பில் பெற்றோர் விசனம் தெரிவித்துள்ள பெற்றோர் குறித்த தனியார் கல்வி நிலையத்தினருடன் கலந்துரையாடவுள்ளதாகவும் தெரிவித்தனர்.

இதேவேளை தமது கல்வி நிலையம் இடம் மாற்றப்பட்டபோது பழைய விண்ணப்ப படிவங்கள் களவாடப்பட்டுள்ள நிலையில், அவை வீதியோரங்களில் வீசப்பட்டுள்ளதாகவும் , எனினும் படிவங்கள் களவாடப்பட்டமை தொடர்பில் பொலிஸ் முறைப்பாடு எதனையும் செய்யவில்லை எனவும் குறித்த தனியார் கல்வி நிலைய உரிமையாளர் தெரிவித்துள்ளார்.

மைத்திரிக்கு எதிரான நம்பிக்கையில்லா பிரேரணை கப்பம் கொடுத்து வென்றாரா ரணில்.!

Posted by Yashika | | Posted in ,

ஏப்ரல் 21 தாக்குதல் பொறுப்பை ஜனாதிபதியை தவிர்த்து அரசாங்கத்தின் மீது மாத்திரம் பாரப்படுத்த முடியாது என்பதாலேயே அவநம்பிக்கை பிரேரணையை எதிர்த்தோம் என தமிழ் தேசிய கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

மக்கள் விடுதலை முன்னணியினால் நாடாளுமன்றத்தில் சமர்ப்பிக்கப்பட்ட பிரேரணை மீது இன்று வாக்கெடுப்பு இடம்பெற்றது. இதன்போது பிரேரணைக்கு 92 பேர் ஆதரவாகவும் எதிராக 119 பேரும் வாக்களித்தனர்.
தமிழ் தேசிய கூட்டமைப்பு அரசாங்கத்திற்கு ஆதரவாக வாக்களித்திருந்தது. இந்நிலையில் இது தொடர்பாக செய்தியாளர்கள் எழுப்பிய கேள்விக்குப் பதில் வழங்கிய சுமந்திரன், ஏப்ரல்21 தாக்குதல் பொறுப்பை ஜனாதிபதியை தவிர்த்து அரசாங்கத்தின் மீது மாத்திரம் பாரப்படுத்த முடியாது என்பதாலேயே அவநம்பிக்கை பிரேரணையை எதிர்த்தோம் என்று குறிப்பிட்டார்.

இதேவேளை, ரணில் விக்ரமசிங்க வழமைபோன்று கப்பம் கொடுத்தே நம்பிக்கையில்லா பிரேரணையை வெற்றிகொண்டார் என ஜே.வி.பியின் தலைவர் அனுரகுமார திசாநாயக குற்றம்சாட்டியுள்ளமை குறிப்பிடத்தக்கது.
Loading...

இணைய விளம்பரங்கள்

விளம்பரங்கள்

Sign Up to lankamurasu Newsletter

© 2012lankamurasu All Rights Reserved.
|
Call us on ( +94 ) 9364149